უკრაინის დედაქალაქის ცენტრში რუსული კომპანია „გაზპრომის“ ბანერები ჩამოხსნეს, რომელიც უეფა-ს ჩემპიონთა ლიგის ოფიციალური სპონსორია. მის შესახებ კიევის საქალაქო სახელმწიფო ადმინისტრაციის წარმომადგენელმა, ანდრეი მიროშნიჩენკომ სოციალური ქსელის საშუალებით განაცხადა.
მისივე ცნობით, "გაზპრომის“ სარეკლამო ბანერები მხოლოდ კიევის „ოლიმპიურ“ სტადიონზე განთავსდება.
ცნობისთვის, 2018 წლის 26 მაისს კიევში „ოლიმპიურ“ სტადიონზე უნდა ჩატარდეს ჩემპიონთა ლიგის ფინალი. უსაფრთხოების დაცვისთვის მიზნით უკრაინულ პოლიციას ბრიტანელი სამართალდამცავები დაეხმარებიან.