ტურიზმის დეპარტამენტის თავმჯდომარის პოსტისთვის განაცხადი ეკონომიკისა და მგრადი განვითარების სამინისტროში 109 პრეტენდენტმა შეიტანა. Eეკონომიკისა და მდგრადი განვითარების მინისტრის განცხადებით, 109 პროექტიდან 11 შეირჩა და ხვალ ოფიციალურად დასახელდება თუ ვინ გაიმარჯვებს შერჩეული 11 კანდიდატიდან.
109 კონკურსანტიდან 2 საზღვარგარეთ მცხოვრები ქართველია. ვერა ქობალიას განცხადებით, იმედანდ საინტერესო პროექტები შევიდა ეკონომიკისა და მდგრადი განვითარების სამინისტროში რომ ისინი აუცილებლად დაინიშნებიან ტურიზმის დეპარტამენტში წამყვან თანამდებობებზე.
ეკონომიკისა და მგრადი განვითარების სამინისტროში განაცხადების მიღება 31 ივლისს ამოიწურა, რომლის მიხედვითაც სამინისტრო პროექტი - ,,საქართველოს ტურიზმისა და შესაბამისი ინფრასტრუქტურის მოკლევადიანი და გრძელვადიანი განვითარება' ავტორსა და იმავდროულად ტურიზმის დეპარტამენტის თავმჯომარე უნდა გამოავლინოს.
ეკონომიკისა და მდგრადი განვითარების მინისტრმა კონკურსი 21 ივლისს გამოაცხადა რომლის მიზანიც საქართველოს, როგორც ტურისტული ქვეყნის იმიჯის პოპულარიზაცია; ტურისტთა შემოყვანისა და შიდა ტურიზმის განვითარების პროცესის ხელის შეწყობა ტურიზმის სფეროში დასაქმებულ კერძო მეწარმეებისათვის ხელის შეწყობა; მსოფლიო ტურისტულ ბაზარზე გასვლა, დამკვიდრება. სამინისტროს ინფორმაციით, პროექტი ხელს შეუწყობს ტურიზმის მარკეტინგის, საერთაშორისო ბიზნესის, ინოვაციური და სტრატეგიული კუთხით კვალიფიცირებული და კრეატიული კადრების გამოვლენას.
კონკურსის პირობების თანახმად, კონკურსში მონაწილეობის მიღება შეუძლია საქართველოს მოქალაქეს, რომელსაც აქვს უმაღლესი განათლება ბიზნესის ადმინისტრირებაში, ტურიზმის მენეჯმენტსა და ეკონომიკაში, ან ჩამოთვლილ პოზიციებზე არა ნაკლებ 5 წლიანი სამუშაო გამოცდილება; გამარჯვებული პროექტი შერჩეული იქნება ტურიზმის განვითარების სახელმწიფო პოლიტიკის პრიორიტეტებისა და საკითხის აქტუალობის შესაბამისად. საუკეთესო პროექტის ავტორსა და საქართველოს ეკონომიკისა და მდგრადი განვითარების სამინისტროს შორის გაფორმდება ურთიერთთანამშრომლობის მემორანდუმი პროექტის შემდგომი ეტაპების განვითარების ხელშესაწყობად.
შეგახსენებთ, რომ ტურიზმის დეპარტამენტის თავმჯდომარის პოსტი ვაკანტური მას შემდეგ გახდა, რაც საქათველოს პრეზიდენტმა ერთ-ერთ სატელევიზიო გამოსვლისას ზაალ აბაზაძე არაკომპეტენტურობაში დაადანაშაულა.