დღეს, 5 აგვისტოს, ბათუმი ახალ ბულვარში დასრულდება "აჭარის ხარისხის კვირეული", რომლის ორგანიზატორია "საქართველოს ხარისხის ფონდი", ხოლო თანაორგანიზატორები არიან აჭარის მთავრობა, ქ. ბათუმის მერია და აჭარის ტურიზმისა და კურორტების დეპარტამენტი.
კვირეული 2 აგვისტოს გაიხსნა. კვირეულზე წარმოდგენილი იყო აჭარის სამომხმარებლო ბაზარზე ცნობილი სხვადასხვა წარმატებული კომპანია, რომლებმაც მომხმარებელს თუ ვიზიტორს კონკურენციის პირობებში შესთავაზეს პროდუქცია და მომსახურება სახალხო დეგუსტაციებით, კონკურსებით, ვიქტორინებით, გათამაშებებით და სხვა.
კვირეულის ფარგლებში გაიმართა ღონისძიებები: ოფიციალური გახსნის ცერემონიალი; ყავა ბათუმურად; რეკორდული ზომის აჭარული ხაჭაპურის გამოცხობა, საზეიმო და სახალხო დაგემოვნება; ბოდი-არტი და გრანდიოზული ნეპტუნის დღესასწაული; სოციალური პროექტი ბავშთა სახლის აღსაზრდელთათვის;
აჭარის ხარისხის კვირეულის საზეიმო დახურვის ცერემონიალზე კომპანიები ხარისხის ნიშნითა და საპატიო დიპლომებით დაჯილდოვდებიან