დღეს, 21 ივნისს შოთა რუსთაველის სახლობის სახელმწიფო აკადემიურ თეატრში ღვინის სფეროში ერთ-ერთ ყველაზე მასშტაბურ და პრესტიჟულ ღონისძიება - ვაზისა და ღვინის 33-ე მსოფლიო კონგრესი გაიხსნება, სადაც ვაზისა და ღვინის მსოფლიო ორგანიზაციის (OIV) მხრიდან სიტყვით გამოვლენ ორგანიზაციის პრეზიდენტი, აღმასრულებელი დირექტორი და 2011 წლის კონგრესის მასპინძელი ქვეყნის - პორტუგალიის წარმომადგენელი.
საქართველოს მხრიდან კონგრესის გახსნას საქართველოს სოფლის მეურნეობის მინისტრი ბაკურ კვეზერელი და სხვა ოფიციალური პირები დაესწრებიან.
კონგრესის ფარგლებში, გათვალისწინებულია ტექნიკური ტური კახეთის რეგიონში, სადაც დელეგატები დაათვალიერებენ ღვინის ქარხნებს. საქართველოს კულტურის უკეთ გაცნობის მიზნით, კონგრესის სტუმრებისთვის დაგეგმილია სხვა ღონისძიებებიც. 25 ივნისს რუსთაველის თეატრში გაიმართება ვაზისა და ღვინის საერთაშორისო ორგანიზაციის კონგრესის (OIV) მე-8 გენერალური ასამბლეა და კონგრესის ოფიციალური დახურვის ცერემონია.
შეგახსენებთ, რომ საქართველო ვაზისა და ღვინის მსოფლიო კონგრესს მეორედ მასპინძლობს. პირველად საქართველოში კონგრესი 1962 წელს ჩატარდა. მაშინ კონგრესს 32 ქვეყნის დელეგაცია ესწრებოდა.
