"ასაკით პენსიონერებს მაქსიმალური პენსია 75 ლარით განესაზღვრებათ, მაშინ, როცა საარსებო მინიმუმი 150 ლარს შეადგენს. "ქართული დასი" აღმასრულებელ ხელისუფლებას კონკრეტული პროექტით მიმართავს, რომელიც პენსიის საარსებო მინიმუმამდე გაზრდას სამ ეტაპად ითვალისწინებს. კერძოდ, 1 იანვრიდან პენსია კიდევ 25 ლარით, შემდეგ კიდევ 25 ლარით და მესამე ეტაპზე ისევ 25 ლარით გაიზარდოს", - განაცხადა ბაღათურიამ პარლამენტის დღევანდელ სესიაზე და აქვე განმარტა, რომ პენსიის საარსებო მინიმუმამდე გასაზრდელად საერთო ჯამში 540 მილიონი ლარია საჭირო.

"იმ ფონზე, როცა 2 მილიონამდე მოქალაქე შიმშილის ზღვარზეა და პენსიონერებს საარსებო მინიმუმზე 2-ჯერ ნაკლები პენსია აქვთ, პრეზიდენტი და აღმასრულებელი ხელისუფლება ჩვენთან პოლიტიკური კინკლაობით და თითის გაშვერით არის დაკავებული. სახელმწიფო ბიუჯეტი კი ძალიან გავს საარჩევნო კამპანიის ბიუჯეტს და არა იმ ქვეყნის ბიუჯერს, რომელსაც 2 მილიონი დამშეული ადამიანი ჰყავს", - განმარტა ბაღათურიამ.