საქართველოს პირველი პრეზიდენტის, ზვიად გამსახურდიას გარდაცვალების ფაქტის შემსწავლელი კომისია 11 კაცით განისაზღვრა. აღნიშნული გადაწყვეტილება დღეს ბიუროს სხდომაზე მიიღეს. 11-კაციან ჯგუფში კვოტები შემდეგი სახით გადანაწილდა: ჯგუფში 4 კაცი ეყოლება ნაციონალურ მოძრაობას, 2-2 _ ფრაქცია ქრისტიან-დემოკრატებს, ფრაქცია ძლიერ საქართველოს და ფრაქციის გარეთ მყოფ დეპუტატებს, ხოლო 1 წევრი ეყოლება ფრაქციას "საქართველოს რეგიონები - მაჟორიტარები".
კომისიის თავმჯდომარისა და მდივნის საკითხი პარასკევის სესიაზე გადაწყდება. მანამდე ფრაქციებს ექნებათ ვადა, თავიანთი კანდიდატები წარადგინონ კომისიაში დასანიშნად.
გამსახურდიას უფლებამოსილებას პარლამენტი ხვალინდელ სესიაზე პირველ საკითხად უყრის კენჭს და კომისიის თავმჯდომარის ერთ-ერთ კანდიდატურად სწორედ კონსტანტინე გამსახურდია სახელდება.
