ანტიკრიზისული საბჭო ქვეყანაში გენმოდიფიცირებული საკვები პროდუქტებისა და ცოცხალი ორგანიზმების შემოტანის საკითხზე იმსჯელებს. ამ თემასთან დაკავშირებით ანტიკრიზისულ საბჭოზე მოწვეულია საპარლამენტო უმრავლესობის წარმომადგენელი გია გოგუაძე, რომლის მიერ მომზადებულია საკანონმდებლო ინიციატივა, რაც ითვალისწინებს გენმოდიფიცირებული პროდუქციის მარკირებას და მეორეს მხრივ ქვეყანაში გენმოდიფიცირებული ცოცხალი ორგანიზემების შემოტანის აკრძალვას. კანონპროექტი უკვე კარგა ხანია შემუშავებულია. თუმცა მთავრობას
გოგუაძის განმარტებით, ერთი მხრივ აუცილებელია მოხდეს გენმოდიფიცირებული პროდუქციის მარკირება, რათა საზოგადოებას ჰქონდეს არჩევანის გაკეთების საშუალება. გამოიყენოს თუ არა გენმოდიფიცირებული პროდუქცია და მეორე მხრივ ის ითხოვს, რომ აუცილებლად აიკრძალოს გენმოდიფიცირებული ცოცხალი ორგანიზემბის შემოტანა ქვეყანაში. მისი განმარტებით, გენმოდიფიცირებული ცოცხალი ორგანიზემები ანადგურებენ სუფთა გარემოს და ამ ადგილზე შემდგომ არაგენმოდიფიცირებული პროდუქცია ვეღარ ხარობს.
საუბარია გენმოდიფიცირებულ მცენარეთა თესლებზე, თევზის ქვირითსა და ფრინველის კვერცხზე. აღსანიშნავია რომ გია გოგუაძის ინიციატივას პარალმენტში საკმაოდ ბევრი მხარდამჭერი ჰყავს და მთავრობის პოზიციის გარკვევას დღეს ანტიკრიზისულ საბჭოს სხდომაზე შეეცდებიან.