საპარლამენტო უმრავლესობის ლიდერი, დავით საგანელიძე დღევანდელ პრესკონფერენციაზე ქუთაისში, პრეზიდენტის ვიზიტის დროს მომხდარ ინციდენტს გამოეხმაურა. მისი თქმით, სწორედ იმ დღეს, როცა მემორიალის აფეთქებით გამოწვეული ტრაგედიის - დედაშვილის დაღუპვის 3 წლისთავი შესრულდა, საქართველოს პრეზიდენტი ქუთაისის მერიაში სრულიად უპასუხისმგებლო განცხადებებს აკეთებდა. „დღეს ის უფლებას აძლევს თავს პოლიციელებს კორუმპირებულები უწოდოს და განაცხადოს, რომ პოლიციაში ნარკობარონებმა დაიმკვიდრეს ადგილი",-განაცხადა დავით საგანელიძემ.
დეპუტატის მოსაზრებით, თუ პარლამენტის წევრები აბარებენ ნარკოტიკზე თმის ღერის გამოკვლევის ტესტს, იგივე ტესტი პრეზიდენტმაც უნდა გაიაროს. საგანელიძის თქმით, პრეზიდენტი არ უნდა საუბრობდეს იმ პოლიციელების უმოქმედობაზე, რომლებმაც იგი ინციდენტის დღეს მერიის შენობის უკანა კარიდან გააპარეს.
დავით საგანელიძემ ჟურნალისტებს გამოძიების მასალები გააცნო, რომელსაც ქუთაისის რაიონული სამმართველო აწარმოებს. პარლამნტარის ინფორმაციით, დაკავებულია 5 ადამიანი, მათ შორის, ერთი-ერთი პრეზიდენტის ავტომანქანისთვის ქვის სროლის გამო. საგანელიძე თვლის, რომ მოქალაქეების პროვოცირება უმცირესობის წარმომადგენელმა დეპუტატმა, აკაკი მინაშვილმა მოახდინა, რომელმაც ქუთაისელებს სიტყვიერი შეურაცხყოფა მიაყენა. „თუ ის 5 ადამიანი უნდა დაისაჯოს, მაშინ უნდა დაისაჯოს ის პირიც, ვინც ამ ინციდენტის ინსპირირება მოაწყო და ვინც ეს პროცესი გამოიწვია",- განაცხადა საგანელიძემ. მისთვის წარმოუდგენელია, როგორ უნდა იჯდეს ასეთი დეპუტატი პლენარულ სხდომებზე და მონაწილეობა მიიღოს საქართველოს კანონების განხილვასა და მიღებაში.
პრესკონფერენციაზე საგანელიძემ ისაუბრა უმცირესობის წარმომადგენლის შოთა მოლაშხიას ავტომანქანის მძღოლის დაჯარიმების თაობაზეც, რომელსაც მოლაშხიას მხრიდან უკმაყოფილება მოჰყვა. „ წესრიგი ყველამ უნდა დაიცვას, მათ შორის დეპუტატებმაც. პატრულმა მოძრაობის წესის დარღვევისას მეც გამაჩერა და დამაჯარიმა, მაგრამ მადლობა გადავუხადე, რომ ასე პირნათლად ასრულებს მისთვის დაკისრებულ სამსახურებრივ მოვალეობას", -განაცხადა დავით საგანელიძემ.
პინკ-პონკის მაგია
ნადირობა
თენების მთვარე
დედა ციცინათელა
მე თქვენ მიყვარდით
და მერე კვართის პატრონიც მოვა
სონეტი დედას
