სამეწარმეო რეესტრიდან ამონაწერის მიღება ინტერნეტის მეშვეობით არის შესაძლებელი | საინფორმაციო სააგენტო GHN
სამეწარმეო რეესტრიდან ამონაწერის მიღება ინტერნეტის მეშვეობით არის შესაძლებელი
 თბილისი 12:11 - 04.02.10 "ჯი-ეიჩ-ენი"
ამობეჭდვა2322  ზომა:
დღეს, იუსტიციის სამინისტროს საჯარო რეესტრის სააგენტოს თავმჯდომარემ სოსო წიქარიშვილმა მეწარმეთა და არასამეწარმეო იურიდიულ პირთა რეგისტრაციასთან დაკავშირებით პრესკონფერენცია გამართა.

საჯარო რეესტრმა კიდევ ერთ ახალ, გამარტივებულ მომსახურება შესთავაზამეწარმეებს. ამიერიდან სამეწარმეო რეესტრიდან ამონაწერის მიღება ინტერნეტის მეშვეობით არის შესაძლებელი.

სააგენტოს ვებ გვერდზე მეწარმეებსა და არასამეწარმეო (არაკომერციულ) იურიდიულ პირებს შეუძლიათ გამარტივებული წესით, ოფისიდან გაუსვლელად, ინტერნეტით მიიღონ ამონაწერი მეწარმეთა და სამეწარმეო იურიდიული პირების რეესტრიდან.

ამონაწერში ასახულია კომპანიის დასახელება, იურიდიული მისამართი, მისი ოფიციალური წარმომადგენლები, უფლებამოსილი პირები, პარტნიორები და მათი წილობრივი მონაცემები, ინფორმაცია ორგანიზაციის ლიკვიდაციისა და რეორგანიზაციის მიმდინარეობის შესახებ, ასევე კომპანიის ქონებასა და პარტნიორთა წილებზე ყადაღისა და აკრძალვების, საგადსახადო გირანობა-იპოთეკისა და გირავნობების შესახებ.

სააგენტოს თავმჯდომარემ ჟურნალისტებთან საუბრისას აღნიშნა: "ნებისმიერ დაინტერესებულ პირს საშუალება აქვს სრულიად უფასოდ, სააგენტოს ვებგვერზე მარტივად მოიძიოს არა მხოლოდ ბოლო ინფორმაცია კომპანიის შესახებ, არამედ ყველა ტრანზაქცია, ანუ სრული ისტორია, ასევე შეუძლიათ გაეცნონ სარეგისტრაციოდ წარდგენილ დოკუმენტებს, განცხადებებსა და სხვა მონაცემებს.

სააგენტოს ვებგვერდზე შესაძლებელია ასევე განაცხადის შევსება და მისი ელექტრონულად წარდგენა საჯარო რეესტრში. კანონით განსაზღვრულ ვადაში მომზადებულ დოკუმენტს დაინტერესებული პირი ასევე ელექტრონულად, ინტერნეტის მეშვეობით მიიღებს.

ელექტრონულად მიღებულ ამონაწერს გააჩნია იურიდიული ძალა და ამ სახით გამოიყენება ნებისმიერი ადმინისტრაციული და კერძო უწყების მიერ.
ამონაწერის განახლებით კომპანიის შესახებ ინფორმაცია ავტომატურად აისახება საჯარო რეესტრის მონაცემთა ელექტრონულ ბაზაში.
მომსახურების საფასურის გადახდაც ვებ-გადახდის სისტემით, საბანკო პლასტიკური ბარათით არის შესაძლებელი.

სამეწარმეო რეესტრის ელექტრონული პროგრამა ონლაინ რეჟიმში მუშაობს და შესაბამისად, მასში განთავსებული ინფორმაცია მუდმივად განახლებადია.
სიახლე ისიც, რომ ნებისმიერ დაინტერესებულ პირს სამეწარმეო რეესტრში დარეგისტრირება და ინფორმაციის მიღება სააგენტოს ტერიტორიული სარეგისტრაციო სამსახურების გარდა სახალხო ბანკის ნებისმიერ ფილიალსა და სერვისცენტრში შეუძლიათ".

2010 წლის 1 იანვრიდან მეწარმეთა და არასამეწარმეო იურიდიულ პირთა რეესტრს, ფინანსთა სამინისტროს საგადასახადო ინსპექციის ნაცვლად, იუსტიციის სამინისტროს საჯარო რეესტრის ეროვნული სააგენტო ახორციელებს.

საკანონმდებლო ცვლილებები ‘'საჯარო რეესტრის შესახებ" და „მეწარმეთა შესახებ" საქართველოს კანონში, სამოქალაქო კოდექსსა და მომიჯნავე საკანონმდებლო აქტებში შევიდა.

საკანონმდებლო ცვლილებების თანახმად:
მოიხსნა ტერიტორიული შეზღუდვა. განცხადების წარდგენა და დოკუმენტაციის მიღება შესაძლებელია საჯარო რეესტრის 68 ტერიტორიულ სარეგისტრაციო სამსახურში.

ამოქმედდა მომსახურების ახალი ვადები და საფასური:
რეესტრიდან ამონაწერის მომზადების საფასური 1 სამუშაო დღის ვადაში შეადგენს 15 ლარს. კანონის ამოქმედებამდე სარეგისტრაციო მომსახურების საფასური 360 ლარამდე მერყეობდა, 1 იანვრიდან ეს გადასახადი შეადგენს 100 ლარს (მომსახურების მიღება განცხადების წარდგენიდან 1 სამუშაო დღეში). ასევე ამოქმედდა დაჩქარებული სარეგისტრაციო მომსახურება (ანუ რეგისტრაცია განცხადების წარდგენისთანავე და მისი ღირებულება შეადგენს 200 ლარს).

შეზღუდული პასუხისმგებლობის საწარმოებში აღდგა პარტნიორთა წილების რეგისტრაცია, რაც აისახება სამეწარმეო და არასამეწარმეო იურიდიულ პირთა რეესტრიდან ამონაწერში და უზრუნველყოფს შეზღუდული პასუხისმგებლობის საწარმოებში წილების მიმოქცევის გამჭვირვალობას.

 

მასალის გამოყენების პირობები

2013-09-25 18:40
სპორტული კურიოზები
2013-09-25 17:57
კასორლა “იოზილის მოსვლამ “არსენალის” თამაშის ხარისხი გაზარდა”
2013-09-25 17:06
“ნაპოლის” შკრტელი კვლავ სურს
2013-04-16 10:36
ლიბერალურ ეკონომიკამდე უნდა მივიდეთ, განმავითარებელი სახელმწიფოს როლით
2013-03-05 10:29
ევროპის მასშტაბით საქართველოს მაკდონალდსი საუკეთესოა
2013-02-27 21:49
საქართველოს პრეზიდენტმა აზებაიჯანში გამგაზვრებამდე მედიასთან კომენტარი გააკეთა
კულტურა/შოუბიზნესი
პრინცი ჩარლზი კამილა პარკერს ეყრება მილა კუნისი: „გათხოვება არასდროს მსურდა“ რობი უილიამსმა თავის თაყვანისმცემელს ხელი მოტეხა
ეს საინტერესოა
ბრიტანელებმა სილამაზისა და ელეგანტურობის ეტალონად კვლავ ქეით მიდლტონი დაასახელეს ჯონ ლენონის ხელნაწერებისა და ნახატების კოლექცია ნიუ-იორკში Sothebys-ის აუქციონზე გაიყიდება ცოლ-ქმარი ერთმანეთის სისხლს სვამს



სტატიები და ანალიტიკა
ერევანში ირაკლი ღარიბაშვილის ვიზიტის დროს რთული „ქართულ-სომხური გარჩევებია" მოსალოდნელი
 
ინტერვიუ
რაულ ხაჯინბა: მრავალი სახელმწიფო აღიარების გარეშე არსებობს, ამაში საშიში არაფერია
ბიზნესი

რომპეტროლის ქსელში ბენზინი 3 თეთრით გაიაფდება

MoneyMan.ge-ს აქცია დაიწყო - ფასდაკლების ბარათები მომხმარებელს

United World Colleges Dilijan - მნიშვნელოვანი ინვესტიცია მომავალში

როგორ გადავჭრათ ფინანსური პრობლემები 5 წუთში?

``საზოგადოება და ბანკები``: ბანკები უარს ამბობენ რესტრუქტურიზაციაზე, სანამ სესხი პრობლემური არ გახდება

ბანკი რესპუბლიკა: აქცენტი ბიზნესზე

NESCAFE®-მ მასშტაბური რებრენდინგი დაიწყო

შემოგვიერთდი Twitter - ზე


.

  -   51.9 %

  -   48.0 %

სულ 801 ხმა

სხვა გამოკითხვები