რეზერვის სისტემის განვითარების მიზანია თავდაცვითი შესაძლებლობების გაუმჯობესება | საინფორმაციო სააგენტო GHN
რეზერვის სისტემის განვითარების მიზანია თავდაცვითი შესაძლებლობების გაუმჯობესება
 თბილისი 15:26 - 27.04.12 "ჯი-ეიჩ-ენი"
ამობეჭდვა2580  ზომა:
საქართველოს თავდაცვის რეზერვის სისტემის განვითარების მიზანია ქვეყნის თავდაცვითი შესაძლებლობების შემდგომი გაუმჯობესება. ამის შესახებ ნათქვამია საქართველოს მტავრობის მიერ მომზადებულ თავდაცვის რეზერვის სისტემის კონცეფციის პროექტში.

პროექტში აღნიშნულია, რომ საქართველოს უსაფრთხოების გარემოდან გამომდინარე და ქვეყნის გეოგრაფიული თავისებურებების გათვალისწინებით, საქართველოს თავდაცვის დაგეგმვა ეფუძნება ,,ტოტალური თავდაცვის" პრინციპს.

"გარე აგრესიის შემთხვევაში საქართველოს ტერიტორიის დასაცავად შეიარაღებული ძალების მზადყოფნის გარდა დიდი მნიშვნელობა ენიჭება თავდაცვის რეზერვის სისტემის ეფექტიანობის ამაღლებას. რეზერვის ახალი სისტემა მიმართული იქნება რეზერვისტების მომზადების, მათი მართვისა და კონტროლის ხარისხის გაუმჯობესებასა და ტერიტორიული თავდაცვის უზრუნველყოფაში მოსახლეობის ფართო ჩართულობაზე", - აღნიშნულია კონცეფციის რეზერვის სისტემის მიზანებსა და პრინციპებში.

პროექტის ავტორები აცხადებენ, რომ საქართველოს პრიორიტეტს წარმოადგენს რეზერვის ისეთი სისტემის განვითარება, რომელიც ომის შემთხვევაში შესძლებს შეასრულოს ქვეყნის ტერიტორიის და მოსახლეობის დაცვისათვის საჭირო ამოცანები, ხოლო ბუნებრივი და ტექნოგენური კატასტროფების დროს დახმარება აღმოუჩინოს სამოქალაქო ხელისუფლებას.

შეგახსენებთ, რომ საქართველოს მთავრობამ 2008 წლის რუსეთ-საქართველოს ომის დროს მიღებული გამოცდილების ანალიზისა და დასკვნების გათვალისწინებით საქართველოს თავდაცვის რეზერვის სისტემის კონცეფციის პროექტი მოამზადა.

პროექტი ასევე ეყრდნობა ნატოს და სხვა პარტნიორი ქვეყნების გამოცდილებას.

 

 

მასალის გამოყენების პირობები

2013-04-16 10:36
ლიბერალურ ეკონომიკამდე უნდა მივიდეთ, განმავითარებელი სახელმწიფოს როლით
2013-03-05 10:29
ევროპის მასშტაბით საქართველოს მაკდონალდსი საუკეთესოა
2013-02-27 21:49
საქართველოს პრეზიდენტმა აზებაიჯანში გამგაზვრებამდე მედიასთან კომენტარი გააკეთა
 


სტატიები და ანალიტიკა
ძლიერდება თუ არა საქართველოში რუსული იდეოლოგია?
 
ინტერვიუ
სოლომონ პავლიაშვილი: ეს ინფლაცია კი არა, დევალვაციაა
ბიზნესი

"300 არაგველთან" "ნატალია კვანტალიანის სახელობის სისხლის ცენტრალური ბანკის" ფილიალი გაიხსნა

რუსეთი ბაზრიდან მიდის

საპარტნიორო ფონდმა ხუთვარსკვლავიანი „რიქსოს ბორჯომი" გახსნა

"დანკინ დონატსი" საქართველოშია

ქუთაისში ვითიბი ბანკის ახალი სერვის ცენტრი გაიხსნა

2014 წელი „ვისოლ ჯგუფისათვის" განსაკუთრებულად წარმატებული აღმოჩნდა

2014 წლის ``ოქროს პერგამენტის`` საპატიო ლაურეატად სახელმწიფო პროგრამა ``აწარმოე საქართველოში`` დასახელდა

შემოგვიერთდი Twitter - ზე


.

  -   59.7 %

  -   40.2 %

სულ 983 ხმა

სხვა გამოკითხვები