უნგრული დაბალბიუჯეტური ავიაკომპნია Wizz Air-ი იტალიის მიმართულებით ფრენებს აუქმებს. იუწყება უნგრული გამოცემა Hungarian Today.
ამ ეტაპზე ავიაკომპანიის ვებგვერდზე 10 მარტიდან 4 აპრილის ჩათვლით, რომის, ბოლონიის, კატანის, ნეაპოლის, მილანისა და ბარის მიმართულებით ავიაბილეთების დაჯავშნა შეუძლებელია.
მიუხედავად ამისა, კომპანიის წარმომადგენლობა აცხადებს, რომ ფრენები სრულად არ გაუქმებულა.
მათი თქმით, ავიაკომპანია აკვირდება იტალიაში კორონავირუსთან დაკავშირებულ მოვლენათა განვითარებას და მიიღო გადაწყვეტილება ფრენების სიხშირის შეზღუდვის შესახებ.
ირწმუნებიან, რომ კომპანია შეზღუდული რაოდენობით განახორციელებს ფრენებს იტალიის მიმართულებით.
აღნიშნულ პერიოდში შესაბამის მიმართულებებზე ვისაც ბილეთები უკვე შეძენილი ჰქონდა, ავიაკომპანია განრიგის ცვლილებას ან თანხის უკან დაბრუნებას შესთავაზებს.
