მაია ცქიტიშვილი, რომელიც დღედაღამ იმაზე ფიქრობს, ინვესტორები როგორ შემოიყვანოს, როგორ იშორებს ინვესტორებს? არ ვიცი ეხლა, ამ ჭორაობაში ვეღარ ჩავალ... ამ ჭორაობაში აღარ შევალ, - ამის შესახებ ჟურნალისტებს ფრაქცია "ქართული ოცნების" თავმჯდომარე მამუკა მდინარაძემ განუცხადა, რომელიც მამუკა ხაზარაძის განცხადებებს გამოეხმაურა.
"ქართულ ოცნებას" ანაკლიის პროექტის მშენებლობა თუ არ უნდოდა, ეს კონსტიტუციაში ჩაწერა, პროექტზე მილიონები დახარჯა, ვადები გადაუვადა ოღონდ გაეკეთებინათ და ეს პროექტი "ქართულ ოცნებას" არ უნდა? ლოგიკა სად არის?", -- აღნიშნა მდინარაძემ.
საზოგადოებრივი მოძრაობა "ლელოს" ხელმძღვანელმა, მამუკა ხაზარაძემ "მთავარი არხის" ეთერში განაცხადა, რომ მაია ცქიტიშვილმა უარი უთხრა ბრიტანელ ინვესტორებს ანაკლიის პორტის მშენებლობის დაფინანსებაზე და რომ ხელისუფლებას არ სურს ამ პროექტის განხორციელება.