ლიეტუვის დელეგაცია რუსეთის PACE-ში დაბრუნების გამო, ევროსაბჭოს 70 წლის იუბილესთან დაკავშირებული ღონისძიების გაუქმებას ითხოვს. ამის შესახებ უკრაინის დელეგაციის წევრი ალექსეი გონჩარენკო "ფეისბუკზე" წერს.
ლიეტუვის დელეგაციის ხელმძღვნელმა ალგირდას ბუტკევიჩუსმა წერილობით მიმართა ევროსაბჭოს საპარლამენტო ასამბლეის პრეზიდენტს და აუწყა, რომ ლიეტუვის დელეგაციის წევრები ვერ მიიღებენ მონაწილეობას საიბიულეო ღონისძიებაზე.
გარდა ამისა, ბუტკევიჩუსმა მოუწოდა ასამბლეის პრეზიდენტს, დაგეგმილი ღონისძიების გაუქმება, მიზეზად კი საპარლამეტო ასამბლეაში რუსეთის დელეგაციის დაბრუნება დაასახელა.
"რუსეთის დელეგაციის დაბრუნების შემდეგ, საპარლამენტო ასამბლეაში პრობლემები და დაძაბულობა არათუ შემცირდა, არამედ მეტად გაღვივდა კიდეც. ამის გათვალისწინებით, ევროსაბჭოს ზეიმი მოსჩანს, როგორც დაცინვა ევროსაბჭოს რეალური მიღწევებისა და წარუმატებლობისა", - წერს ბუტკევიჩუსი.
ლიეტუვის დელეგაცია მოუწოდებს სხვა სახელმწიფოებსაც, მხარი დაუჭირონ მათ მიერ გაჟღერებულ ინიციატივას.