მმართველი გუნდის დეპუტატი, ზაქარია ქუცნაშვილი, რედისონში იმყოფება. ის სასტუმროში რუს დეპუტატებს ხვდება, ამის შესახებ ინფორმაციას „რუსთავი 2“ ავრცელებს.
რედისონში იმყოფებიან რუსი დეპუტატები, მათ შორის კომუნისტი, რუსეთის დუმის დეპუტატი სერგეი გავრილოვი, რომელმაც დღეს პარლამენტში საქართველოს პარლამენტის თავმჯდომარის სკამი დაიკავა და მართლმადიდებლობის საპარლამენტთაშორისო ასამბლეას გაუძღვა.
ქუცნაშვილთან ერთად სასტუმრო რედისონში იმყოფება „ქართული ოცნების“ დეპუტატი მეზურნიშვილი და ასევე, პროტოკოლის წევრები. ასევე, გამოჩდნენ ფოტოგრაფები, რომლებიც აცხადებენ, რომ ასამბლეა აქ უნდა გაიმართოს და გადაღების მიზნით იმყოფებიან შენობაში.
სასტუმრო რედისონთან იმყოფებიან ოპოზიციის ლიდერები და სამოქალაქო აქტივისტები.
ისინი მოითხოვენ რუსმა დეპუტატებმა საქართველო დატოვონ. საპროტესტო აქციები სამ ლოკაციაზე - პარლამენტის შენობაში, საკანონმდებლო ორგანოს შენობის მიმდებარედ და სასტუმრო რედისონთან მიმდინარეობს.
