საქართველოს მესამე პრეზიდენტმა მიხეილ სააკაშვილმა პარლამენტში მიმდინარე მოვლენებთან დაკავშირებით პირველი კომენტარი გააკეთა. მისი თქმით ივანიშვილმა რუსეთს ქართული სპეცსამსახურების სიები და ნატოსთან თანამშრომლობის „ბევრი მასალა" გადასცა.
"ივანიშვილი გამოვიდა ეს მართლა ვირეშმაკა სრულიად უნამუსო მოღალატე და გამოაცხადა, რომ პროტოკოლის შეცდომა იყოო. მეგობრებო, ივანიშვილმა გადასცა რუსეთს სიები საქართველოს უშიშროების აგენტების წარმომადგენლების რუსეთში და ყველა მათგანი დააპატიმრეს. ივანიშვილმა გადასცა რუსეთს ყველა ჩვენი მებრძოლის სია და სათითაოდ მათზე ნადირობს რუსეთი მთელს მსოფლიოში 2008 წლის ომის შემდეგ. ივანიშვილმა გადასცა რუსეთს ძალიან ბევრი მასალა, რომელიც ეხებოდა ჩვენს ურთიერთობას ნატოსთან. ივანიშვილმა შემოუშვა გავრილოვი 2013 წელს პირველად საქართველოში და ასევე ივანიშვილმა შემოუშვა ლუშკოვი და უამრავი სხვა რუსეთის წარმომადგენელი საქართველოში.
რუსული სპეცსამსახურები სრულიად დაუსჯელად მოქმედებენ საქართველოში და მაგალითად უკრაინელებს ეხლა ავერბორკებენ მასობრივად საქართველოში",- აღნიშნა მიხეილ სააკაშვილმა.
სააკაშვილის თქმით, საქართველოს გადარჩენის გზა ოპოზიციის გაერთიანება და ივანიშვილის ქვეყნიდან მოშორებაა.
"გამოსავალი არის მხოლოდ ერთი მასობრივი სახალხო მობილიზაცია თუ ჩვენ გვინდა რომ ქვეყანა გადარჩეს. ყველა ოპოზიციური ძალია გაერთიანება, რომელსაც უყუვარს საქართველო და არის საქართველოს პატრიოტი. ყველა ამბიციის გვერდზე გაწევა და ივანიშვილის მოშორება ქვეყნიდან, თუ გვინდა რომ საქართველო გადარჩეს",- განაცხადა საქართველოს მე-3 პრეზიდენტმა.
