ჩემს ძმებს, ქართველებს ვეუბნები, წავიდეთ ამ ხიფათზე და ვენდოთ ჩვენს სახელმწიფოს, მივიდეთ იქ შიშველი ხელებით, რათა ნებისმიერი კორდონი დავშალოთ, - ამის შესახებ ბიზნესმენმა, ლევან ვასაძემ ვიდეომიმართვაში აღნიშნა. როგორც ვასაძემ განაცხადა, მოძრაობა, რომელიც შეიქმნა, დაიცავს წესრიგს.
"ჩვენ ეს მოძრაობა შევქმენით, რათა დაგხმარებოდით წესრიგის დაცვაში, მაგრამ ღმერთი არ გაგიწყრეთ, მე დიდი ხანს ვიფიქრე, სრულიად ვაცნობიერებ ამ გადაწყვეტილებას. ჩემს ძმებს, ქართველებს ვეუბნები წავიდეთ ამ ხიფათზე და ვენდოთ ჩვენს სახელმწიფოს, მივიდეთ იქ შიშველი ხელებით, რათა ნებისმიერი კორდონი დავშალოთ და გავათრიოთ ეს იდიოტები იქიდან, ხალხი შევაჩეროთ, მაგრამ თუ თქვენ ამის შედეგად შეცვლით თქვენს გადაწყვეტილებას და დაიცავთ პრაიდს, ჩაატარებინებთ მას, შეგვდგებით ჩვენ, ჩვენ არ გვეშინია. რა გახდა ერთი ჩხუბი და ერთი დაპატიმრება, თუ თქვენ ამას ჩვენ გვიზამთ, მერე თქვენ თავს დააბრალეთ, რადგან ვერც მე, ვერც ვერავინ გააკონტროლებს ამ ქალაქში რა მოხდება. მე არ ვიცი, კანცელარიას მოადგება ხალხი, პარლამენტს, თუ ბიძინას შუშის სახლს, მე ამისგან ვიხსნი პასუხისმგებლობას, ეს არის თქვენი ბოლო შანსი", - განაცხადა ლევან ვასაძემ.