„ბათუმის წყალი“ საქართველოში შვედეთის ელჩის, ულრიკ ტიდესტორმის მიერ twitter-ზე გამოქვეყნებულ ფოტოებს ეხმიანება და აცხადებს, რომ არდაგანის ტბაში სანიაღვრე სისტემის მეშვეობით, უცხო სითხის შემოდინება დაფიქსირდა. რაზეც რეაგირება უმალვე მოახდნა „ბათუმის წყალმა“.
„გვსურს გამოვეხმაუროთ საქართველოში შვედეთის ელჩის, ულრიკ ტიდესტორმის მიერ ტვიტერზე გამოქვეყნებულ ფოტოებს. 26 აპრილს დილის საათებში არდაგანის ტბაზე დაფიქსირდა ტბაში ბლანტი, უცხო სითხის შემოდინება სანიაღვრე სისტემის მეშვეობით. ფაქტის დაფიქსირებისთანავე, ადგილზე მობილიზდა შპს "ბათუმის წყალის" სპეცტექნიკა და მიმდინარეობს გაწმენდითი სამუშაოები. ქალაქის სანიღვრე სისტემებიდან, სანიაღვრე წყლების შეკრება არდაგანის ტბაში ხდება. სანიღვრე წყლები ხშირად დაბინძურებულია ნარჩენებით, რაც საბოლოო ჯამში თავს იყრის ტბაში. მოსახლეობას ვთხოვთ, არ ჩაყარონ ნაგავი სანიაღვრე ცხაურში და სანიაღვრე არხებში. არდაგანის ტბაზე არსებული პროცესის მნიშვნელოვანი გაუმჯობესება ტბის მიმდებარედ მშენებარე სანიაღვრე სატუმბი სადგურის მშენებლობის დასრულების შემდგომ მოხდება. სატუმბის მეშვეობით, არდაგანის ტბისგან დამოუკიდებლად მოხდება ქალაქის სანიაღვრე სისტემების შეკრება და ზღვაში გადატუმბვა”, აცხადებენ „ბათუმის წყალში“.
შეგახსენებთ, რომ დღეს შვედეთის ელჩმა მიკრობლოგ ტვიტერზე ბათუმის "მოცეკვავე შადრევნების" ფოტო გამოაქვეყნა, სადაც ჩანს, რომ მიმდებარე ტერიტორია დანაგვიანებულია.