- ეკონომიკა 19 თებერვალი 2019, 11:12
იანვარში საქართველოს საგარეო სავაჭრო ბრუნვამ 826.8 მლნ. აშშ დოლარი შეადგინა
2019 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 826.8 მლნ. აშშ დოლარი შეადგინა, რაც წინა წლის შესაბამის მაჩვენებელს 1.2 პროცენტით აღემატება. აღნიშნულ მონაცემებთან ერთად, „საქსტატი“ ავრცელებს ინფორმაცია, რომ მთლიანი საგარეო სავაჭრო ბრუნვიდან ექსპორტი 238.8 მლნ. აშშ დოლარს შეადგენს (7.2 პროცენტით მეტი), ხოლო იმპორტი 588.0 მლნ. აშშ დოლარს (1.1 პროცენტით ნაკლები).
რაც შეეხება, საქართველოს უარყოფითს სავაჭრო ბალანს, „საქატსტის“ მონაცემებით, უარყოფითმა სავაჭრო ბალანსმა 2019 წლის იანვარში 349.2 მლნ. აშშ დოლარი და საგარეო სავაჭრო ბრუნვის 42.2 პროცენტი შეადგინა. ამავე პერიოდში, ექსპორტმა რეექსპორტის გარეშე 158.9 მლნ. აშშ დოლარი შეადგინა, რაც 4.4 პროცენტით ნაკლებია წინა წლის შესაბამის მაჩვენებელზე.
ავტორი: . .
