დიახ, ჩვენ რუსეთთან ვაწარმოებთ მოლაპარაკებას და ალბათ, რუსეთისგან შევისყიდით გაზს, - ამის შესახებ დარგობრივი ეკონომიკისა და ეკონომიკური პოლიტიკის კომიტეტის სხდომაზე ეკონომიკის მინისტრმა განაცხადა.
ქობულიას თქმით, იმისათვის რომ ქვეყანაში გაზის მიმწოდებელ კომპანიებს შორის კონკურენცია გაჩნდეს, რუსეთისგან გაზის შესყიდვაზე მოლაპარაკებებია მიმდინარეობს.
„ეს არის მნიშვნელოვანი ინიციატივა, რომ შევქმნათ საშუალება, ერთზე მეტი მომწოდებელი იყოს გაზის. დიახ, ჩვენ რუსეთთან ვაწარმოებთ მოლაპარაკებას და ალბათ, რუსეთისგან შევისყიდით გაზს, იმის ფარგლებში, რაც მოგვცემს საშუალებას, რომ ენერგოუსაფრთხოება და ენერგო დამოუკიდებლობა შევინარჩუნოთ. ჩვენ პირობების გაუმჯობესებაზე მიგვყავს მოლაპარაკებები . იმიტომ რომ შევქმნათ დივერსიფიკაცია და იყოს კონკურენტული ფასები გაზზე. გვინდა, რომ შევქმნათ გაზის დივერსიფიკაცია. ჩვენ რუსეთისგან ყოველთვის ვყიდულობდით გაზს. როცა მოლაპარაკება შედგება ფასს გეტყვით”, -განაცხადა ქობულიამ.