მექსიკაში ნავთობსადენზე მომხდარ ძლიერ აფეთქებას 21 ადამიანი ემსხვერპლა. აფეთქების შედეგად ადგილზე მასშტაბური ხანძარიც გაჩნდა, რომელსაც ამ დრომდე აქრობენ. დაშავდა 70-ზე მეტი ადამიანი. აფეთქება იმ დროს მოხდა, როდესაც ადამიანები კონტეინერებს საწვავით ავსებდნენ.
ტრაგედიის შემდეგ ქვეყნის ხელისუფლებამ კიდევ ერთხელ მოუწოდა მოსახლეობას, არ მოიპარონ საწვავი, რადგან ეს არა მარტო არალეგალური, არამედ სახიფათოა.