"კახა კალაძემ დიღომში მომხდარი ტრაგედია გადააბრალა წინა ხელისუფლებას - ჩახედეთ კანონებს და რეგულაციებსო, მაგათ გამო ვართ ამ დღეშიო", წერს "ევროპული საქართველოს" წარმომადგენელი ოთარ კახიძე სოციალურ ქსელში.
"მეშვიდე წელია უკვე ხელისუფლებაში არიან, მეშვიდე! 120 დეპუტატი ჰყავთ პარლამენტში. ქვეყანაში მოქმედ უკლებლივ ყველა საკრებულოს და რეგულატორს ბოლომდე აკონტროლებენ.
კონსტიტუცია შეცვალეს ერთპარტიულად, თავზე გადაიხიეს მოსმენების კანონი, გაზარდეს გადასახადები, დაჩქარებული წესით მიარიხინებენ კანონპროექტებს, უამრავი კრეტინული რეგულაცია შემოიღეს და დღესაც განაგრძობენ ამ საქმიანობას.
როგორი თავხედი და უტიფარი უნდა იყო, რომ ამ ფონზე რაღაც კანონის გამო ხელი გაიშვირო 7 წლის წინა მთავრობისკენ და თან ადამიანთა გარდაცვალება დააბრალო.
თავიანთ იმ მომხრეებსაც უდონო ჩლუნგებად თვლიან, ვისზეც ეს ბრიფინგი იყო გათვლილი.
მართლა ვაი ჩვენ ქვეყანას ამათ ხელში, კიდევ კარგად ვართ", განმარტავს ოთარ კახიძე.