იცოდით, რომ მაცივრებსა და კონდიციონერებში ოზონდამშლელი ნივთიერებები გამოიყენება?!
გარემოსდაცვითი ინფორმაციისა და განათლების ცენტრის ინფორმაციით, ისეთმა საქმიანობამ კი, როგორიც მაცივრებისა და კონდინციონერების არასწორი შეკეთებაა, გარემოზე მნიშვნელოვანი უარყოფითი გავლენა შეიძლება იქონიოს. სწორედ ამიტომ 2018 წლის 1 იანვრიდან მაცივარაგენტზე მომუშავე მოწყობილობების მომსახურების უფლება მხოლოდ საქართველოს კანონმდებლობით დადგენილი წესით სერტიფიცირებულ ტექნიკოსს აქვს.
2019 წლის 1 იანვრიდან ვალდებულება იმ ტექნიკოსებზეც ვრცელდება, რომლებიც 3 კგ-ზე ნაკლებ მაცივარაგენტზე მომუშავე მოწყობილობებს ემსახურებიან.
იმისთვის, რომ ტექნიკის შეკეთებისას მოვუფრთხილდეთ როგორც გარემოს, ასევე ჩვენს ტექნიკას, მნიშვნელოვანია მისი შეკეთება კვალიფიციურ ტექნიკოსს ვანდოთ, რომელმაც საქმის შესრულებამდე შესაბამისი სერთიფიკატი უნდა წარმოადგინოს.
სერტიფიცირებას გარემოსდაცვითი ინფორმაციისა და განათლების ცენტრი უზრუნველყოფს.
დამატებითი ინფორმაციისათვის მიჰყევით ბმულს: https://goo.gl/7yCEEg