თბილისში, სადაც კი მრიცხველების სადარბაზოში გამოტანა მოხდა, პოლიეთილენის მილებით არის შესრულებული და ეს იწვევს იმის ალბათობას, რომ დროთა განმავლობაში მოხდეს გაზის გაჟონვა, - თქვა ტელეკომპანია „პირველის“ ეთერში“ ექსპერტმა ენერგეტიკის საკითხებში გიორგი ჭაღიაშვილმა.
მისი თქმით, 2010 წელს საქართველოს პრემიერ-მინისტრმა მოაწერა ბრძანებულებას ხელი და მოქმედებს ტექნიკური რეგლამენტი, სადაც ცალსახად წერია, რომ გაზის კომუნიკაციები გაყვანილი უნდა იყოს, მხოლოდ და მხოლოდ ლითონის მილებში, რადგან გაზს აქვს თვისება, რომ აალდეს, გაფართოვდეს, აფეთქდეს და ასე შემდეგ.
„გაზიფიცირების მხრივ, ქალაქში სავალალო მდგომარეობაა. ამ საკითხით 2011 წელს დავინტერესდი და მაშინვე ვამბობდი, რომ 5-6 წლის შემდეგ დადგებოდა მსგავსი ფაქტები. სურათი ქალაქში არის მძიმე. თუნდაც ამ კონკრეტულ შემთხვევაში, კარგად ჩანს, რომ სადარბაზოში გამოტანილი მრიცხველები პოლიეთილენის მილებით არის შეერთებული, სტაფილოსფერი მილებით, რაც დაუშვებელია. 2010 წელს საქართველოს პრემიერ-მინისტრმა მოაწერა ბრძანებულებას ხელი და დღეს სქართველოში მოქმედებს ტექნიკური რეგლამენტი, სამწუხაროდ, ისევ რუსეთის, თუმცა ის მოქმედებს, სადაც ცალსახად წერია, რომ გაზის კომუნიკაციები გაყვანილი უნდა იყოს, მხოლოდ და მხოლოდ ლითონის მილებში, რადგან გაზს აქვს თვისება, რომ აალდეს, გაფართოვდეს, აფეთქდეს და ასე შემდეგ. მსგავსი მილები დაუშვებელია, რადგან მისი ფიტინგები არ იძლევა იმის საშუალებას, რომ გაზის გაჟონვა იყოს არიდებული. თბილისში, სადაც კი მრიცხველების სადარბაზოში გამოტანა მოხდა, მსგავსი მილებით არის შესრულებული და ეს იწვევს იმის ალბათობას, რომ დროთა განმავლობაში მოხდეს გაზის გაჟონვა. ეს მილები განკუთვნილია მხოლოდ და მხოლოდ ცხელი წყლისთვის. ჩვენ მივწერეთ თურქულ კომპანია „ფირატს“ ამ მილის თაობაზე 2013 წელს და მივიღეთ პასუხი, რომ ეს მილები გამოიყენება მხოლოდ და მხოლოდ, ცხელი წყლის შიდა გაყვანილობისთვის და არა - გაზმომარაგებისთვის. რადგან ჩვენმა ქვეყანამ არჩევანი გააკეთა ევროკავშირზე და ევროსტადარტზე, მინდა შევახსენო სრულიად საქართველოს, რომ ევროკაშვირში საცხოვრებელ ტერიტორიებზე საერთოდ არ გამოიყენება გაზი და ელექტროენერგიით ხდება მსგავსი საყოფაცხოვრებო სათბობის უზრუნველყოფა“, - განაცხადა გიორგი ჭაღიაშვილმა.
