19 დეკემბერს, ვაკის მედიათეკაში, საბავშვო პროექტების, „მედიათეკელისა და „სანდრო ასთიანის წიგნის სახელოსნოს“ შემაჯამებელი საზეიმო ღონისძიება ჩატარდება. გაიმართება მიმდინარე სეზონის განმავლობაში ორივე პროექტის ფარგლებში ბავშვების მიერ დამზადებული წიგნების, ორიგამებისა და ნახატების გამოფენა. მედითეკების პატარა წევრებს გაართობენ სანტა კლაუსი, ილუზიონისტი, გოჭი პეპა, სახის მხატვარი და იქნება ბევრი სიურპრიზი.
21-23 დეკემბერს, თბილისის საახალწლო ფესტივალის ფარგლებში, თბილისის მედიათეკები საბავშვო კუთხეს მოაწყობს. თემატურად გაფორმებულ სივრცეში ბავშვებს სახატავები, გასაფერადებლები, საბავშვო წიგნები და სხვადასხვა გასართობები დახვდებათ. დაინტერესების შემთხვევაში აქვე მიიღებთ ინფორმაციას პროექტ „მედიათეკელისა“ და „სანდრო ასათიანის წიგნის სახელოსნოს“ თაობაზე, რომელთა მომდევნო სეზონებიც ახალი წლიდან დაიწყება.
22 დეკემბერს, ბამბის რიგის კინოს მოედანზე დაგეგმილ ნაძვისხეების ტრადიციულ ფესტივალში თბილისის მედიათეკებიც მონაწილებს. ორიგინალურ სახელობით ნაძვისხეს შემოქმედებითი სახელოსნო „ART მარი“ ამზადებს. ნაძვისხე კინოს მოედანზე მთელი დღის განმავლობაში იქნება გამოფენილი.
