დიდი ხანია, ბუტა რობაქიძის ოჯახი მართლმსაჯულების აღსრულებას ელოდება, – ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ ბუტა რობაქიძის საქმეზე განაჩენის გამოცხადებასთან დაკავშირებით განაცხადა.
მისი თქმით, სამართლის აღსრულება განსაკუთრებით მნიშვნელოვანია,
„დედას ერთადერთი უდანაშაულო შვილი მოუკლეს. ეს იყო უმძიმესი ტრაგედია. ამდენი წელი გავიდა და სამართალს ეძებდა ოჯახი. სამართლის აღსრულება განსაკუთრებით მნიშვნელოვანია, როცა ასეთი შედეგი დადგა. მე კიდევ ერთხელ ვუსამძიმრებ ოჯახს და მსურს, ვანუგეშო. წლების განმავლობაში გამოჩენილი სიმტკიცისთვის განსაკუთრებით მინდა, გამოვხატო ჩემი თანადგომა ბუტა რობაქიძის მშობლების მიმართ“, – განაცხადა ეკა ბესელიამ.
ცნობისთვის, თბილისის საქალაქო სასამართლომ ბუტა რობაქიძის საქმეზე სამსახურეობრივი უფლებამოსილების ბოროტად გამოყენებაში ბრალდებული შსს-ს ყოფილი მაღალჩინოსნები - ირაკლი ფირცხალავა, გურამ დონაძე, ზაზა ბაქრაძე, ზურა მიქაძე და დავით იაშვილი დამნაშავედ ცნო.