14 იანვარს კრიშტიანუ რონალდუს პირობითი პატიმრობა შეეფარდება. „იუვენტუსის“ ფეხბურთელმა კრიშტიანუ რონალდუმ „რეალში“ თამაშის პერიოდში გადასახადებისგან თავის არიდება აღიარა. აღნიშნული ქმედებით პორტუგალიელი გამოძიებასთან გარიგებაზე წავიდა.
კერძოდ, რონალდუ სასამართლო დარბაზში ორწლიან პირობით სასჯელს დათანხმდება – ეს აუცილებელია გარიგების რატიფიცირებისთვის.
კრიშტიანუს ბრალად ედება ჯამში 14.7 მილიონი ევროს დამალვა. სასამართლო მას საგადასახადო თაღლითობის ოთხ შემთხვევაში ცნობს დამნაშავედ. სხდომა 2019 წლის 14 იანვარს გაიმართება.