რა თქმა უნდა, სალომე ზურაბიშვილის ინაუგურაციაზე მივდივარ, - ამის შესახებ საქართველოს მოქმედმა პრეზიდენტმა გიორგი მარგველაშვილმა კავკასიის უნივერსიტეტის სტუდენტებთან შეხვედრაზე განაცხადა.
მისი ინფორმაციით, ამ მიმართულებით, პროტოკოლებს შორის ყველაფერი გარკვეულია.
„ახლად არჩეული პრეზიდენტი მოვიპატიჟე პრეზიდენტის სასახლეში უფლებამოსილების გადაბარების ფარგლებში. იმედი მაქვს, ამ ცივილიზებულ პროცესს, რაც ეხება უფლებამოსილების გადაბარებას, წარმატებულად დავასრულებთ 16 დეკემბერს“, - განაცხადა მარგველაშვილმა.
ცნობისთვის, პრეზიდენტის ინაუგურაცია 16 დეკემბერს გაიმართება.