მოსკოვმა სლოვაკეთის სამხედრო დიპლომატი პერსონა ნონ გრატად გამოაცხადა, მან ორი დღის განმავლობაში უნდა დატოვოს რუსეთის ტერიტორია - განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
სლოვაკეთის ელჩს შესაბამისი ნოტა უკვე გადაეცა - დასძინა ზახაროვამ.
ზახაროვას თქმით, მოსკოვის ეს ქმედება იყო პასუხი სლოვაკეთში რუსეთის საელჩოს სამხედრო ატაშის გაძევებაზე.
შეგახსენებთ, რომ სლოვაკეთმა ჯაშუშური საქმიანობისთვის რუსი დიპლომატი ქვეყნიდან გააძევა. ამის შესახებ სააგენტო Reuters-ი სლოვაკეთის პრემიერ მინისტრის განცხადებაზე დაყრდნობთ იუწყება.
„ჩვენ ის 22 ნოემბერს გავაძევეთ და მან სლოვაკეთი 48 საათის განმავლობაში დატოვა“, - აღნიშნა პრემიერ მინისტრმა პეტერ პელეგრინიმ.