რა ორგანოებს ავალებს, რის გამოძიებას ავალებს? არ ვიცით, ან არ იციან ლარის კურსს რა დაემართა? ან არ იციან გადასახადების დაწევის ნაცვლად რომ აწიეს გადასახადები, კერძოდ აქციზი? - ამის შესახებ "ევროპული საქართველოს" პოლიტსაბჭოს თავმჯდომარე გიგა ბოკერიამ პრემიერ-მინისტრ მამუკა ბახტაძის დღევანდელი განცხადებასთან დაკავშირებით აღნიშნა.
მისი თქმით, მთავრობას წლების მანძილზე ურჩევდნენ, რომ ლარის კურსის დასტაბილურებასა და ფასების ზრდის შეფერხებას სჭირდება გადასახადების დაწევა. მისივე თქმით, ამის ნაცვლად, გრძელდება გადასახადების ზრდა, კერძოდ, საწვავის აქციზზე.
"ახლა გამოდის და უტიფრად კითხვას სვამს, გამოდის, რომ რაღაც შეთქმულების თეორიას გვთავაზობს კვლავ... ისევ ილაპარაკა "აწარმოე საქართველოზე", იმის მაგივრად, რომ ბაზარს და ხალხს დაუბრუნოს ეს ფული და არ შეუწყოს ხელი ფასების ზრდას, მათ შორის პურზე, ამის მაგივრად ამ ფულს ართმევენ, შემდეგ ამ ფულთან მიმართებაში გვაქვს კორუფციული ნეპოტისტური გარიგებები ან გაფლანგვა ან მავნებლური პროექტები. ძალიან მარტივი საკითხია, ფასების ზრდის შეფერხებას სჭირდება, მაგალითად, საწვავზე აქციზის შემცირება, ან განახევრება, ან გაუქმება ან მინიმუმ იმ ზღვარამდე ჩამოწევა, სანამ ქართული ოცნება მას გაზრდიდა, იმიტომ, რომ საფლანგავი ფული ნეპოტიზმის და კორუფციისთვის. დღეს რაც შემოგვთავაზა არის კიდევ ერთი უტიფრობის შეთავაზება საზოგადოებისთვის", - განაცხადა გიგა ბოკერიამ.
ცნობისთვის, მამუკა ბახტაძემ შესაბამის უწყებებს პურის გაძვირების მიზეზების შესწავლა დაავალა.