გაერთიანებული ოპოზიციის ერთ-ერთი ლიდერი გიორგი ვაშაძე პრემიერისა და თბილისის მერის მიმართ ამომრჩევლის მოსყიდვის გამო, სისხლის სამართლის საქმე აღძვრას ითხოვს.
„მივმართავთ პროკურატურას და ვითხოვთ სისიხლის სამართლის კოდექსის 164-პირველი პრიმა მუხლის შესაბამისად აღიძრას სისხლის სამართლის საქმე საქართველოს პრემიერ-მინისტრის, მამუკა ბახტაძის მიმართ, რომელმაც დანაშაული ჩაიდინა, როცა ამ მასობრივ მოსყიდვას აწარმოებდა პირდაპირ ეთერში და ბატონი კალაძის მიმართ, რომელიც შტაბს ხელმძღვანელობდა და რომელმაც ასევე პირდაპირ დანაშაული ჩაიდინა თავის განცხადებაში. გვესმის, რომ საქართველოში სიტყვა გამოძიებას შინაარსი აქვს დაკარგული, მაგრამ ჩვენ ამ ყველაფერს ვაფიქსირებთ", – დასძინა გიორგი ვაშაძემ.