ეს ღონისძიება არ იქნება პომპეზური, - ამის შესახებ საქართველოს პრემიერ-მინისტრმა მამუკა ბახტაძემ პრეზიდენტის ინაუგურაციის ცერემონიალთან დაკავშირებით განაცხადა.
მისი თქმით, ასეთი ღონისძიებები საქართველოში არსებულ მდგომარეობას უნდა პასუხობდეს.
„მე ვფიქრობ, ზოგადად, ნებისმიერი ასეთი ღონისძიება უნდა პასუხობდეს იმას, რომ საქართველოს აქვს მცირე ეკონომიკა და ნებისმიერი ასეთი ღონისძიება უნდა დაიგეგმოს ამ ფილოსოფიით“, - განაცხადა ბახტაძემ.
ცნობისთვის, პრეზიდენტის ინაუგურაცია 16 დეკემბერს გაიმართება.