ეს არის ჩვენი მრავალფეროვნება, - ამის შესახებ გაერთიანებული ოპოზიციის „ძალა ერთობაშია“ ერთ-ერთმა ლიდერმა, გიორგი ვაშაძემ „ნაციონალური მოძრაობის“ წევრის, სალომე სამადაშვილის პოზიციასთან დაკავშირებით განაცხადა.
მისი თქმით, იმაში, რომ მათივე თანაგუნდელს განსხავავებული აზრი აქვს, განსაკუთრებული არაფერია.
„ეს არის ჩვენი მრავალფეროვნება, ადამიანებს აქვთ განსხვავებული აზრი. ზოგს დიდი პროფესორობა უყვარს, ზოგს უყვარს პრაგმატული იყოს, ზოგს სხვადასხვა გემოვნება აქვს. ნუ ქმნით რაღაც განსაკუთრებულს, ჩვენ ერთად ვართ, ერთად ვიბრძვით და აუცილებლად გავიმარჯვებთ, რადგან სიმართლე არის ჩვენს მხარეს“, - განაცხადა ვაშაძემ.
ცნობისთვის, სალომე სამადაშვილმა სოციალურ ქსელში დაწერა, რომ ის აღარ აპირებს მონაწილეობას არანაირ აქციაში, რომელზეც გრიგოლ ვაშაძეს მიესალმებიან, როგორც პრეზიდენტს.