დღეს, 10 დეკემბერს, საფრანგეთის პრეზიდენტი ემანუელ მაკრონი მოქალაქეებს საპროტესტო აქციებთან დაკავშირებით მიმართავს.
ტელემიმართვა 20:00 საათზეა (თბილისის დროით 23:00) დაგეგმილი. საფრანგეთის მთავრობაში განმარტავენ, რომ სახელმწიფოს მეთაური გეგმავს, სხვადასხვა გადაწყვეტილების შესახებ გამოაცხადოს, რომლებიც ძალში დაუყოვნებლივ შევა. ეს გადაწყვეტილებები მიმართული იქნება ფინანსური და სხვა პრობლემების გადაჭრისკენ, რომლებსაც დემონსტრანტები აპროტესტებენ.
საფრანგეთში უკვე ერთი თვეა ყოველ შაბათს ანტისამთვარობი გამოსვლები მიმდინარეობს, რომელიც მოძრაობა „ყვითელი ჟილეტების“ მიერ არის ორგანიზებული.
თავდაპირველად ბენზინზე გადასახდების გაზრდას ავტომობილის მძღოლები აპროტესტებდნენ, თუმცა დემონსტრანტების მოთხოვნები გაფართოვდა. მაკრონმა უკვე განაცხადა, რომ საწვავზე გადასახდები აღარ გაიზრდებოდა, თუმცა ამის მიუხედავად 8 დეკემბერს პარიზსა და სხვა ქალაქებში „ყვითელი ჟილეტების“ მასშტაბური აქცვიები გაიმართა, რომელიც არეულობებში გადაიზარდა. სამართალდამცველებმა ქცეყნის მასშტაბით 1000-ზე მეტი დემონსტრანტი დააკავეს.