ორივე მხარე ერთმანეთს ცოტა ალმაცერად უყურებს, - ასე პასუხიბს შეკითხვას არის თუ არა „დისბალანსი სამეცნიერო აზრსა და რელიგიურ აზრს შორის“, - ფილოლოგი, ილიას უნივერსიტეტის ემერიტუს პროფესორი ზურაბ კიკნაძე 1tv.ge-ზე ჟურნალისტ ია ანთაძის პროექტში „საინტერესო ადამიანები“.
„დიახ, ორივე მხარე[მეცნიერება და რელიგია. (რედ)] ერთმანეთს ცოტა ალმაცერად უყურებს. თუმცა, რელიგიურ გამოცდილებაშიც არის ფორმალიზმი და შეფუთვა. საჯარო პირისგან მოითხოვენ მისი რელიგიური აღმსარებლობის შესახებ ინფორმაციას. ეს არ არის საჯარო საქმე. ეს პირადი საქმეა”, - ამბობს კიკნაძე და აღნიშნავს, რომ დამიანის ქცევა მისი მთლიანი პიროვნებიდან მოდის. არც მხოლოდ გრძნობიდან, არც მხოლოდ გონებიდან.
„ადამიანი მთელი თავისი ბუნებით მოქმედებს. აქ მისი წარსული გამოცდილებაც შემოდის. ხან გრძნობა ჭარბობს, ხან გონება. გონება, როგორც აკროპოლისი, ემოციებზე უნდა ბატონობდეს“, - ამბობს კიკნაძე.