არ მართლდება პროგნოზი, რომ, მეცნიერების განვითარებასთან ერთად, რელიგიის გავლენა დაიკლებს და ნულამდე დავა, - აბობს ფილოლოგი, ილიას უნივერსიტეტის ემერიტუს პროფესორი ზურაბ კიკნაძე 1tv.ge-ზე ჟურნალისტ ია ანთაძის პროექტში „საინტერესო ადამიანები“.
„თუ წარსულს გადავხედავთ, დავინახავთ, რომ ეპოქები განსხვავდება ერთმანეთისგან. იყო ეპოქა, როდესაც ყველაფერს განსაზღვრავდა რელიგია, მედიცინასაც კი. მაგრამ არის ეპოქა, როდესაც გონება მოდის წინ და მეცნიერება იმარჯვებს, მეცნიერება განსაზღვრავს ყველაფერს. დღეს, თითქოს, ორივე ფაქტორი მოქმედებს. მაგრამ არ მართლდება პროგნოზი, რომ, მეცნიერების განვითარებასთან ერთად, რელიგიის გავლენა დაიკლებს და ნულამდე დავა“, - ამბობს კიკნაძე და აღნიშნავს, რომ საქართველო თუ მსოფლიოს ეკუთვნის, ისიც ამ ტენდენციას წაყვება.
„ეს წაყოლა თუ ჩაყოლა ყველა სფეროში ჩანს, ლიტერატურაში, ყოფაში... დღეს ჩვენში ძალიან დიდი წონა აქვს ეკლესიას, რელიგიურობას და ხანდახან ამით განსაზღვრავენ ადამიანის მდგომარეობას საზოგადოებაში“, - ამბობს კიკნაძე.