სომხეთში ჩატარებულ ვადამდელ საპარლამენტო არჩევნებში ქვეყნის პრემიერ-მინისტრის მოვალეობის შემსრულებლის ნიკოლ ფაშნიანის ბლოკმა "ჩემი ნაბიჯი" გაიმარჯვა. სომხეთის საარჩევნო ადმინისტრაციის ცნობით, ბლოკმა "ჩემი ნაბიჯი"ამომრჩეველთა ხმების 70,43 პროცენტი მოიპოვა.
მეორე ადგილზე, ხმების 8.27 პროცენტით პარტია "აყვავებული სომხეთი" გავიდა, ხოლო მესამე ადგილზე კი პარტია „ნათელი სომხეთი“ გავიდა 6.37 პროცენტით.
სომხური კანონმდებლობით დადგენილი 5 პროცენტიანი ბარიერი მხოლოდ ამ სამმა პარტიამ გადალახა. საგულისხმოა ისიც, რომ რესპუბლიკური პარტიამნ, რომელიც წინა მოწვევის პარლამენტში უმრავლესობით იყო წარმოდგენილი, არჩევნებში მხოლოდ 4,7 პროცენტი მიიღო.
შეგახსენებთ, რომ ვადამდელი საპარლამენტო არჩევნების დანიშვნის გადაწყვეტილება სომხეთის პრეზიდენტმა მას შემდეგ მიიღო, რაც სომხეთის უკვე გადამდგარი პრემიერ-მინისტრის ნიკოლ ფაშინიანის ზედიზედ ორჯერ ვერ არჩევის გამო, პარლამენტი დაითხოვა.
სომხეთის პარლამენტმა ნიკოლ ფაშინიანის კანდიდატურ პრემიერ-მინისტრის პოსტზე ზედიზედ ორჯერ არ დაამტკიცა. ქვეყნის კონსტიტუციის თანახმად სწორედ ეს მდგომარეობა ავალდებულებს პრეზიდენტს, დაუყოვნებლივ დაითხოვოს საკანონმდებლო ორგანო და დანიშნოს ვადამდელი საპარლამენტო არჩევნები.
პრემიერ-მინისტრის თანამდებობიდან ნიკოლ ფაშინიანი სწორედ იმ მიზნით გადადგა საკუთარი ნებით, რომ ქვეყანაში ვადამდელი საპარლამენტო არჩევნები გამართულიყო.