პრეზიდენტის ინაუგურაციისთვის შექმნილი სპეციალური კომისიის წევრის, კახა კახიშვილის ინფორმაციით, ინაუგურაციაზე დასწრება მოქალაქეებსაც შეეძლებათ.
მისი თქმით, მათი ტრანსპორტირებაც მოხდება.
„ჩვენი ამოცანა არის ის, რომ რაც შეიძლება მეტმა ადამიანმა მიიღოს მონაწილეობა, თუმცა გასათვალისწინებელია, რომ ლოკაცია არის საკმაოდ შორს თბილისიდან, მაგრამ ამის მიუხედავად ვმუშაობთ საკითხზე, რომ რაც შეიძლება ბევრმა ადამიანმა მიიღოს მონაწილეობა. რა თქმა უნდა, ტრანსპორტირებაც მოხდება და ხელშეწყობაც იქნება გონიერების ფარგლებში",- განაცხადა კახიშვილმა.
ცნობისთვის, ინაუგურაციისთვის სამი ლოკაცია: თბილისი, თელავი და წინანდალი განიხილება. ინაუგურაცია 16 დეკემბერს გაიმართება.