ისევ ძალაშია სამი ლოკაცია, ეს არის თბილისი, თელავი და წინანდალი, - ამის შესახებ ჟურნალისტებს ინაუგურაციისთვის შექმნილი სპეციალური კომისიის წევრმა კახა კახიშვილმა კომისიის სხდომის დასრულების შემდეგ პრეზიდენტიც ინაუგურაციის ადგილთან დაკავშირებით განუცხადა.
მისი თქმით, თბილისთან მიმართებაში საუბარია ჭავჭავაძის საფლავის გვირგვინით შემკობაზე, გმირთა მემორიალზე მისვლაზე. მისივე თქმით, ფიცის დადების ცერემონია თელავში გაიმართება.
„[ლოკაციისთვის] ისევ ძალაშია სამი ლოკაცია, ეს არის თბილისი, თელავი და წინანდალი. თბილისთან მიმართებაში საუბარია ჭავჭავაძის საფლავის გვირგვინით შემკობაზე, გმირთა მემორიალზე მისვლაზე. ფიცის დადების ცერემონია კი გაიმართება თელავში, ეს დადასტურებულად შემიძლია გითხრათ, რომ არ შეიცვლება. ასევე განიხილება წინანდალის ლოკაცია, სადაც საზეიმო მიღება უნდა გაიმართოს“, - განაცხადა კახიშვილმა.
მისივე თქმით, სტუმრების შესახებ საგარეო საქმეთა სამინისტროს ორშაბათამდე აქვს ვადა, რომ წარმოადგინოს სია, დაახლოებით ვინ დაესწრება უცხოეთიდან ინაუგურაციას.
„საგარეო საქმეთა სამინისტრო მუშაობს ყველა ჩვენ პარტნიორთან, რომ რაც შეიძლება მეტი პარტნიორი დაესწროს ინაუგურაციის პროცესს. ეს არის ერთდღიანი ღონისძიება, დაიწყება 15:00 საათზე და დასრულდება დაახლოებით 19:00 საათზე. აქედან გამომდინარე, არ არის სურვილი სტუმრების მხრიდან, რომ განთავსდნენ სასტუმროში. დღეს ვსაუბრობთ, რომ 15:00 საათზე უნდა დაიწყოს ფიცის დადების ცერემონია, პლუს-მინუსს ერთი საათი შეიძლეძა იყოს ცვლილება, იმის გათვალისწინებით, რა ამინდი იქნება“, - განაცხადა კახიშვილმა.