არჩეული პრეზიდენტის სურვილია, ინაუგურაციამდე პანთეონი და კიდევ სხვა ადგილები მოინახულოს, - ამის შესახებ პრეზიდენტის ინაუგურაციისთვის შექმნილი სპეციალური კომისიის წევრმა ლაშა ჟვანიამ განაცხადა.
მისი თქმით, თბილისში დაგეგმილი ღონისძიებები არ იცვლება.
„როგორ შეიძლება თბილისის ნაწილი გაუქმდეს. არჩეული პრეზიდენტის სურვილია, ინაუგურაციამდე პანთეონი და კიდევ სხვა ადგილები მოინახულოს”, – განაცხადა ლაშა ჟვანიამ.
ცნობისთვის, საქართველოს პრეზიდენტის ინაუგურაცია თელავში, 16 დეკემბერს გაიმართება.
საპრეზიდენტო არჩევნების მეორე ტურში, რომელიც 28 ნოემბერს გაიმართა, სალომე ზურაბიშვილმა გაიმარჯვა.