78 წლის ანზორ ერქომაიშვილმა ანსამბლ „რუსთავის“ სამხატვრო ხელმძღვანელის პოსტი დატოვა. ამის შესახებ ქართული ხალხური სიმღერისა და ცეკვის აკადემიური ანსამბლ „რუსთავის“ სამხატვრო ხელმძღვანელმა რადიოგადაცემა „პიკის საათის“ ეთერში განაცხადა.
მისი თქმით, ის ტოვებს თანამდებობდას, თუმცა ანსამბლში დარჩება.
„50 წელია ვხელმძღვანელობ ამ ანსამბლს. რაც შემეძლო, ყველაფერი გავაკეთე. გადავწყვიტე მუსიკალურ ხელმძღვანელად დავრჩე, მაგრამ სამხატვრო ხელმძღვანელის პოსტს გადავაბარებ მას, ვისაც ანსამბლი შეარჩევს“, - განაცხადა ერქომაიშვილმა და აღნიშნა, რომ უახლოეს ხანში დროს ანსამბლის წევრები ახალ სამხატვრო ხელმძღვანელს აირჩევენ.
ანზორ ექრომაიილი ანსამბლ რუსთავს 1968 წლიდან ხელმძღვანელობს. 2008 წელს გახდა საქართველოს პარლამენტის წევრი ოზურგეთის საარჩევნო ოლქიდან, „ერთიანი ნაციონალური მოძრაობის“ წარდგინებით. 2009 წლიდან შეწყვიტა საკანონმდებლო საქმიანობა და არის ფოლკლორის ეროვნული ცენტრის ხელმძღვანელი. 2014 წელს მიენიჭა თბილისის საპატიო მოქალაქის წოდება. ავტორია წიგნებისა „ხმა უცნაური“, „შავი შაშვი ჩიოდა“, „ბაბუა“.
