The New York Times–ში უკრაინის პრეზიდენტის პეტრო პოროშენკოს ბლოგი გამოქვეყნდა სათაურით - „პუტინი უნდა დაისაჯოს“. სტატიაში უკრაინის პრეზიდენტი რუსეთის აგრესიის შესახებ საუბრობს და დემოკრატიულ ქვეყნებმს მხარდაჭერისკენ მოუწოდებს.
სტატიის დასაწყისში უკრაინის პრეზიდენტი აღნიშნავს, რომ რუსეთმა ჯერ კიდევ 2014 წელს, ყირიმის ოკუპაციით, ევროპული რუკის ხელახალი გადანაწილება სცადა. თუმცა, როგორც პოროშენკო აღნიშნავს, იმის მიუხედავად, რომ მისი ეს ქმედება მსოფლიომ დაგმო, რუსეთმა ახალი დანაშაული ჩაიდინა: "ააგო 12 მილის სიგრძის ხიდი რუსეთსა და ყირიმს შორის".
უკრაინელი ხალხი არ შეეგუება რუსეთის მიერ უკრაინის უწყვეტ მცოცავ ანექსიას. ოთხი წლის წინ, რევოლუციის შემდეგ, უკრაინამ დამოუკიდებლად ვერ შეძლო წინააღმდეგობა გაეწია რუსეთის სამხედრო ავანტიურისთვის. მაგრამ დღეს მზად ვართ წინ აღვუდგეთ და თავი დავიცვათ რუსეთისგან. ამიტომ გამოვაცხადე ლიმიტირებული საომარი მდგომარეობა უკრაინის ტერიტორიაზე, რუსეთის საზღვართან, რათა მობილიზება გაგვეწია ძალებისთვის და თავი დაგვეცვა რუსეთის ინტენსიური აგრესიისგან. მაგრამ საერთაშორისო თანამეგობრობის სახით, ჩვენ ასევე გვჭირდება მხარდაჭერა და მოსკოვისათვის მიერ განხრციელებული უკანასკნელი დანაშაულის გამო შემხვედრი სანქციების დაწესება.
25 ნოემბერს, რუსეთის თავდასხმა ქერჩის სრუტესა და შავ ზღვაში ერთადერთი შემთხვევა არ არის. 2014 წლიდან, რუსეთი რეგულარულად არღვევს საერთაშოისო სანავიგაციო სამართალსა და სამშვიდობო შეთანხმებას შავსა და აზოვის ზღვებში. მათ მოიპარეს ჩვენი ენერგო მარაგები, სათევზაო ტერიტორიები, გაანადგურეს უკრაინელი მოქალაქეების შემოსავლის წყაროები და დაბლოკეს ჩვენი სატრაფიკო და სავაჭრო პორტები.
ამ ზაფხულს, რუსეთმა უკრაინული პორტების მიმართულებით უმიზეზოდ გაჩერებული კომერციული გემებით დაძაბულობა გამოიწვია. განუსაზღვრელი ვადით გემების დაყოვნება თითოეულს ძალიან ძვირი უჯდება, რიგ შემთხვევებში ერთ გემზე ერთ დღეში საშუალოდ 10 000 – 12 000 დოლარია. რუსეთი ცდილობს მოგვიწყოს ეკონომიკური ბლოკადა, ნელნელა ამოხუთოს ჩვენი საქსპორტო ბაზრები. ადამიანებმა სამსახურები და შემოსავლის წყაროები დაკარგეს. საკვები გაფუჭდა და ტვირთები ევროპისა და შუა აღმოსავლეთის მიმართულებით დაყოვნდა. დასავლეთის მხრიდან სიტყვიერმა დაგმობამ რუსეთის ქმედებები მხოლოდ გაამძაფრა.
25 ნოემბერს რუსეთმა მოამწიფა ვითარება და სცადა გაეჩერებინა გემები, რომლებიც ლეგალურად და მშვიდობიანად მიემართებოდნენ უკრაინის კუთვნილი ოდესის პორტიდან, უკრაინის პორტ, - მარიუპოლისკენ. ნება მომეცით ნათელი მოვფინო რუსეთის გამუდმებულ მცდელობას, რომ დაამახინჯოს ფაქტები: უკრაინელ მეზღვაურებს არასდროს მიუტანიათ ირიში რუსი საზღვაო ძალებზე, მიუხედავად განუწყვეტელი პროვოკაციისა, არასდროს გაუხსნიათ ცეცხლი. მათ თავს დაესხნენ იარაღებითა და რაკეტებით, შეიპყრეს მაშინ, როდესაც ცურავდნენ საკუთარ ტერიტორიაზე, საერთაშორისო წყლებში.
ეს იყო პირდაპირი, არაპროვოცირებული სამხედრო თავდასხმა რუსეთის საჯარისო დანაყოფის მხრიდან უკრაინაზე. მოსკოვი არ მალავს "პატარა მწვანე კაცს", როგორც ეს გააკეთა ყირიმში 2014 წელს ან მის სამხედრო მოსამსახურეებს "შვებულებაში", როგორც აცხადებდნენ, როდესაც საომარი მოქმედებები დაიწყო აღმოსავლეთ უკრაინაში იმავე წელს. მოსკოვი ამჯერად არც კი ცდილობს, რომ მსოფლიოს წინაშე თავი გაიმართლოს.
კრიზისი გრძელდება, ჩვენს სამხედრო მოსამსახურეებსა და კატარღების რუსეთის პატიმრობაში ყოფნით.რუსეთის მიერ, აზოვის ზღვის სანაპიროზე, ასობით ხომალდია გაჩერებული რადგან ისინი უარს ეუბნებიან ქერჩის სრუტის გავლაზე. ეს არ არის მხოლოდ უკრაინული გემები. ისინი სხვა ქვეყნების დროშებს ატარებენ და ეფექტურად იმართებიან რუსეთის მიერ.
ეს უკანასკნელი მოვლენები პირდაპირ ეხება ნატო-ს უსაფრთხოებას. რუსეთს ახლა შავიზღვისპირეთში საზღვაო გემების დიდი რაოდენობა აქვს, რაც იმას ნიშნავს, რომ ნატო-ს წევრ ქვეყნებს: რუმინეთს, ბულგარეთსა და თურქეთს საფრთხე შეექმნებათ და ეს მხოლოდ დასაწყისია. რუსეთს ასევე მძლავრადაა წარმოდგენილი ბალტიის ზღვაში. ცოტა ხნის წინ, რუსეთის მებრძოლები შეაკავეს, ბალტიისპირეთის რეგიონში. ვის შეუძლია იყოს იმის გარანტორი, რომ ეს არ იყო პატრულირების რეპეტიცია ევროპაში რუსეთის მიერ გაბატონებულ Nord Stream II- ის გაზსადენისზე, რომელსაც ბალტიის ზღვის გავლით თავად აშენებს?
რუსეთის გეგმები აშკარაა: მას უნდა დაბრუნდეს იმ ეპოქაში, სადაც ქონება და საკუთრება იმართებოდა ძალით. იგი იწყება უკრაინით და განაგრძობს სვლას დასავლეთისკენ, რამდენადაც დემოკრატიული სამყარო საშუალებას მისცემს. დემოკრატიულმა ქვეყნებმა ახლა უნდა გააკეთონ არჩევანი: მხარი დავუჭიროთ იმას, რაც სწორია ან განაგრძონ პრეზიდენტ ვლადიმირ პუტინის შუამდგომლობა. თუ ისტორიამ რამე გვასწავლა ისაა რომ შუამდგომლობა ძვირად გვიჯდება. კრემლის პროპაგანდის მიუხედავად, პუტინი იმაზე სუსტია, ვიდრე დასავლეთს წარმოუდგენია. დასავლეთს შეუძლია აგრესიისგან გამოწვეული დანახარჯებით რუსეთი დააბრუნოს უკან - ხაზზე.
რამდენად მეტი მტრობა დასჭირდება დასავლეთს მკაფიო შეშფოთების გამოსახატად და გარანტირებულ „მძიმე ვალუტაში“ ასასახად, რომელშიც კრემლი „ძალით“ ვაჭრობს? რუსეთმა ბრიტანეთში ქიმიური იარაღი გამოიყენა; ჩაატარა კიბერშეტევები და ჰაკერული თავდასხმები დასავლეთზე; დაბომბა მშვიდობიანი მოსახლეობა სირიაში; აღმოსავლეთ უკრაინაში წამოიწყო ომი, რომელმაც 10,000-ზე მეტი უკრაინელი იმსხვერპლა; გაავრცელა დეზინფორმაცია, რათა დააბნიოს და შეაშინოს მსოფლიოს მოსახლეობა. კი მაგრამ, არ არის ახლა მოქმედების დრო?
პრეზიდენტმა ტრამპმა უკრაინის გემებისა და მეზღვაურების დაკავების გამო, პუტინთან შეხვედრის გაუქმებით, ნამდვილი ხელმძღვანელობა უჩვენა, არგენტინაში G-20-ის სამიტზე. ჩვენ გვქონდა ცალსახა მხარდაჭერა თეთრი სახლისა და კონგრესისგან, მათ შორის თავდაცვითი იარაღის, ძლიერი სანქციების და ამერიკული ენერგომომარაგების უსაფრთხო უზრუნველყოფით. ატლანტიკის ოკეანის ორივე მხარის პარტნიორებს ერთად შეუძლიათ გააგრძელონ რუსეთის ქმედებების ღირებულებებში ასახვა ჩვენთვის, კოლექტიური საფრთხის შექმნის გამო.
ყირიმისა და დონბასის ოკუპაციის პირობებში, ჩვენი საერთო ამოცანაა, რომ არ მივცეთ რუსეთს აზოვის ზღვაში აგრესიის გავრცელების საშუალება. და „აზოვის სანქციების პაკეტი“ რუსეთის წინააღმდეგ იქნებოდა ის მცირე რეაქცია რომელიც მსოფლიოს უნდა ჰქონდეს ამ დროს. მაშინ როდესაც დასავლეთი საუბრობს, პუტინი მოქმედებს. დროა პასუხი გაეცეს“- წერს პოროშენკო.