დასანანია, რომ "ნაციონალური მოძრაობა" აგრძელებს დაპირისპირების რიტორიკას, - ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ გავრცელებულ ინფორმაციასთან დაკავშირებით განაცხადა, რომლის თანახმადაც, 16 დეკემბერს გაერთიანებულმა ოპოზიციამ შესაძლოა, თელავში აქცია გამართოს.
მისი თქმით, ისინი კვლავ სიძულვილის ენით, ლანძღვა-გინებით ცდილობენ თავიანთ პოლიტიკური მიზნებს მიაღწიონ.
"დასანანია, რომ "ნაციონალური მოძრაობა" აგრძელებს დაპირისპირების რიტორიკას და კვლავ სიძულვილის ენით, ლანძღვა-გინებით ცდილობენ თავიანთ პოლიტიკური მიზნებს მიაღწიონ, რაც პირადად ჩემთვის მიუღებელია", - განაცხადა აკაკი ზოიძემ.
რაც შეეხება ვადამდელ საპარლამენტო არჩევნებთან დაკავშირებით ოპოზიციის მოთხოვნას, ზოიძე ამბობს, რომ ქვეყანაში პოლიტიკური კრიზისი არ არის და ულტიმატუმების ენით საუბარი მიუღებელია.