დღეს, გერმანიის კანცლერი ანგელა მერკელი, პარტია "ქრისტიან-დემოკრატიული კავშირის" თავმჯდომარის პოსტს დატოვებს. პარტიის ყრილობაზე, რომელიც ჰამბურგში ტარდება, კავშირის ახალ თავმჯდომარეს აირჩევენ.
სხდომა თავმჯდომარის რანგში გერმანიის კანცლერმა ანგელა მერკელმა უკნასკნელად გახსნა. სხდომას 1001 დელეგატი ესწრება. ხმის მიცემა ფარული კენჭისყრით ჩატარდება. პირველ ტურში გამარჯვებისთვის კანდიდატს ხმათა აბსოლუტური უმრავლესობა დასჭირდება.
თუ პირველ ტურში გამარჯვებული ვერ გამოვლინდება, გაიმართება მეორე ტური.
პარტიის თავმჯდომარის პოსტზე ორი კანდიდატი განიხილება - ანეგრეტ კრამპ-კარენბაუერი და ფრიდრიხ მერცი. ეს უკანასკნელი მერკელის აქტიური ოპონენტია და მიგრაციული პოლიტიკის გამკაცრებას უჭერს მხარს. კარენბაუერი კი, როგორც ამბობენ, მერკელის ფავორიტადაა მიჩნეული.
მერკელმა, რომელიც გერმანიის მთავრობას 2005 წლიდან ხელმძღვანელობს, რამდენიმე ხნის წინ განაცხადა, რომ 2021 წელს კანცლერის პოსტზე კენჭს აღარ იყრიდა. ასევე განაცხადა, რომ არ აპირებდა ბუნდესტაგში ადგილის მოსაპოვებლად ბრძოლას და „ქრისტიან-დემოკრატიული კავშირის“ თავმჯდომარის პოსტზე თავის კანდიდატურას არ დააყენებდა.