მოდის სახლი Chanel-ი თავის კოლექციებში აღარ გამოიყენებს ბეწვეულს და ეგზოტიკური ცხოველების ტყავს. ინფორმაციას CNN ავრცელებს.
საერთაშორისოდ აღიარებულმა ფრანგულმა მოდის სახლმა განაცხადა, რომ ისინი შეაჩერებენ, როგორც ბეწვის, ასევე, ეგზოტიკური ცხოველების, ნიანგის, ხვლიკის, გველის ტყავის გამოყენებას სამოსისა და აქსესუარების დამზადებისას.
როგორც მოდის სახლი აცხადებს, მათ ამ გადაწყვეტილებით სურდათ დაემტკიცებინათ, რომ ისინი ეთიკური სტანდარტების ერთგულები არიან და მხარს უჭერენ მსოფლიოში ცხოველთა უფლებადამცველი ორგანიზაციების კამპანიებს.