ექვსი ადამიანი, მათ შორის, ერთი ორსული ქალი, ჩიკაგოში, ჯონ ჰენკოკის ცათამბჯენის 95-ე სართულიდან მე-11 სართულამდე ჩავარდა. შემთხვევის მონაწილეები 95-ე სართულზე განლაგებული რესტორნიდან სასტუმროს გასასვლელისკენ მიემართებოდნენ. მაშველების განცხადებით, 84-სართულიანი ვარდნა ამწე თოკის გაცვეთილობამ გამოიწვია. შემთხვევა ფატალური დასასრულისგან რამდენიმე თოკმა იხსნა, რომელიც მტკიცედ დამაგრებული აღმოჩნდა და კაბინა მე-11 სართულზე გააჩერა. მაშველებმა დაშავებულები სამსაათიანი სამაშველო ოპერაციის შემდეგ გამოიყვანეს.
„თავიდან ჩვეულებრივად მიდიოდა, მაგრამ შემდეგ სასწაული სისწრაფით ჩავარდა, გვესმოდა როგორ კრეფდა სიჩქარეს და საშინელი მტვერი შემოვარდა. ზოგი ყვიროდა, ზოგიც ლოცულობდა. მეგონა დავიხოცებოდით, ნამდვილად ასე მეგონა “, - განახცადა ჯეიმი მონტემეიორმა, ინციდენტის თანამონაწილემ.