„ნაციონალური მოძრაობა“ ეფუძნებოდა შოვინიზმსა და სიძულვილის ენას, - ასე გამოეხმაურა პარლამენტის თავმჯდომარე ირაკლი კობახიძე მიხეილ სააკაშვილის შეფასებას, რომელიც ყოფილმა პრეზიდენტმა „ქართული ოცნების“ მიერ დაქირავებული პიარსპეციალისტის მოშე კლუგჰაფტის თაობაზე გააკეთა.
„ესეც არის, რა თქმა უნდა, ნაციონალური მოძრაობის „ღირებულებების“ კიდევ ერთი გამოხატულება. ეს არის ის „ღირებულებები“, რომელსაც ეფუძნებოდა ნაციონალური მოძრაობა - ეს არის შოვინიზმი, ეს არის სიძულვილის ენა და ამას გამოხატავს ნაციონალური მოძრაობა ზოგადად და კონკრეტულად, მიხეილ სააკაშვილი“,- განაცხადა კობახიძემ.