საუბარი, რომ 600 ათას ცუდ გადამხდელს ვალს უხდის კარგი გადამხდელი, არის სპეკულაცია, მილიარდ ნახევრამდე ლარის დავალიანებას სრულად ფარავს ფონდი „ქართუ“ - განაცხადა ფინანსთა მინისტრმა ივანე მაჭავარიანმა მთავრობის მიერ გამოცხადებულ ინიციატივაზე ჭარბვალიანობის დაძლევასთან დაკავშირებით.
„მთავრობის როლი აქ იყო იმაში, რომ ჩვენ ეს საკითხი მწვავედ დავაყენეთ, ჩვენ ვეძებდით გზებს ამ საკითხის გადაჭრის. თუმცა საბოლოო ჯამში ამ საკითხის გადაჭრის ტვირთი სრულად იკისრა „ქართუმ“. მადლობა „ქართუს“ და მადლობა ბანკებს თანამშრომლობისთვის. ეს არ იყო იოლი, რამოდენიმე ათეული საფინანსო ინსტიტუტის ერთ მაგიდაზე თავმოყრა და შეთანხმების მიღწევა. თუმცა მათ ჩვეულებრივად გაყიდეს, ამ შემთხვევაში ეს მათთვის იყო ბიზნეს ტრანზაქცია, ხოლო „ქართუსთვის“ იყო სოციალური პასუხისმგებლობის აქტი”, – განაცხადა ივანე მაჭავარიანმა.
შეგახსენებთ, რომ მთავრობის ინიციატივით ე.წ. "შავ სიაში" მყოფ 600 ათასამდე მოქალაქეს სესხები
გაუნულდება.