მუშაობს პროპაგანდისტული მანქანა, საქართველოს ხელისუფლება საშინელებას ჩადის ჰააგის სასმართლოსთან დაკავშირებით, - განაცხადა იუსტიციის მინისტრის ყოფილმა მოადგილემ ალექსანდრე ბარამიძემ ტელეკომპანია „პირველის“ ეთერში.
მისი შეფასებით, აჟიოტაჟი, რომელიც არსებობს ჰააგის სისხლის საერტაშორისო სასამართლოს საკითხთან მიმართებაში, საქართველოს არ წაადგება.
„არსებობს გარკვეული აჟიოტაჟი, ამ საქმესთან დაკავშირებით, რაც საქართველოს არ წაადგება არავითარ შემთხვევაში. ეს აჟიოტაჟი, რასაკვირველია, დაკავშირებულია საარჩევნო პერიოდთან და მუშაობს გარკვეული პროპაგანდისტული მანქანა იმასთან დაკავშირებით, რომ აი, საქართველოს ხელისუფლება, რაღაც საშინელებას ჩადის, მათ შორის, სისხლის სამართლის საერთაშორისო სასამართლოსთან დაკავშირებით. მას უნდა რომ ბრალდებულის სკამზე დასვას ქართველი სამხედროები, პოლიტიკოსები და ა.შ. არ ვიცი, რით არის გამოწვეული ასეთი ეჭვები“, - განაცხადა ალექსანდრე ბარამიძემ და აღნიშნა, რომ მას პირადად მიაჩნია, რომ ვერც ერთი ქართველი პოლიტიკოსისა და სამხედროს პასუხიმგებლობის საკითხი ვერ დადგება ჰააგაში, რადგან მათ დანაშაული არ ჩაუდენიათ.