საქართველოს მხარდაჭერა ნიშნავს მეორე ტურში ქუდზე კაცის მოსვლას და უარის თქმას საბჭოთა წარსულზე - ამის შესახებ პოეტმა, დავით მაღრაძემ ბათუმში მოძრაობა „მე ვიცავ თავისუფლებას“ შეხვედრაზე განაცხადა.
მისი თქმით, ქართული თავმოყვარეობა თუ თავის სიმაღლეზე იდგა, ერთი ხმაც ვერ უნდა მიიღოს ამ საბჭოთა გადმონაშთმა, თავისი კრემლის ვარსკვლავით და ოკუპანტი უფროსით.
„ძალიან მკაფიოა ჩვენი არჩევანი, ჩვენ ვირჩევთ ჩვენი შვილების განათლებას, კულტურას, სულიერებას, სილამაზეს, მშვენიერებას, რომელსაც ასხივებს ერთი მხარე და არავითარ შემთხვევაში არ იფიქროს არავინ, რომელიმე პარტიის ხელმძღვანელმა, რომ აქ შეკრებილი ხალხი, რომელიმე პარტიის მხარდამჭერია. პოლიტიკური პარტიების მხარდამჭერი ჩვენ არ ვართ. ჩვენ ვართ საქართველოს მხარდამჭერი. ახლა საქართველოს მხარდაჭერა ნიშნავს მეორე ტურში ქუდზე კაცის მოსვლას და უარის თქმას საბჭოთა წარსულზე. საპრეზიდენტო არჩევნების მეორე ტურზე ახლა საბედისწერო გზა გადის, არ დავიზაროთ, დავდგეთ ერთად და გადავარჩინოთ ჩვენი ქვეყნის მომავალი”, – განაცხადა დავით მაღრაძემ.