მოვუყევით ყველა იმ დარღვევაზე, რასაც ადგილი ჰქონდა პირველ ტურში, - ამის შესახებ გაერთიანებული ოპოზიციის პრეზიდენტობის კანდიდატმა გრიგოლ ვაშაძემ აშშ-ის ელჩის მოვალეობის შემსრულებელ როს უილსონთან შეხვედრის შემდეგ განაცხადა.
მისი ინფორმაციით, შეხვედრაზე ქვეყანაში არსებული წინასაარჩევნო ვითარება განიხილეს.
„რა თქმა უნდა, მოვუყევით ყველა იმ დარღვევაზე, რასაც ადგილი ჰქონდა პირველ ტურში და იმ გაყალბების მასობრივ მცდელობაზე, რომელსაც ხელისუფლება ახლა გეგმავს და უწევს ორგანიზაციას გამალებით. განსაკუთრებით საინტერესო იყო ის, რომ ელჩს აინტერესებდა გაერთიანებული ოპოზიციის სამომავლო გეგმები“, - განაცხადა გრიგოლ ვაშაძემ.